تاج................ تاني

اولا اسف يا حراس الحقيقة علي تاخير الرد ثانيا شكرا جدا علي التاج
ياريت كل من يزور المدونه و يقراء الرد يزورحراس الحقيقة

انت مين ؟؟

مصطفى جمال الدين

اللهو الخفي

مين اكتر ست اشخاص بتحبهم ؟؟

احيااااااااء

ماما

بابا

اخواتى

و حاليا زملاء المعهد

ووسام اصله برجي هههههههههههه

رامي و رامي الاول جاري و صديقي اللي بيسمعني و انا مخنوق بجد بني ادم كويس جدا بيسمع و يريح اي حد مضايق

اما رامي التاني صديقي في المعهد العالي للسينما في نفس القسم بتاعي بجد فنان و مستقبله ان شاء الله مبهر و بحبه علشان بيساعدني و بيحاول يحسن من مستويا

وطبعا جدي و جدتي من ناحية ماما

اما اموات

فجوز عمتي ربنا يرحمه و اخر حاجه عملها لي قبل ما يموت باسبوع فضل معايا علشان يعملي بيجز حاجه بعمل عليها مشريعي

و جدي وجدتي من ناحية بابا بجد كان مثال في الحب الحقيقي

انت سعيد؟

حاليا اه علشان حاسس بحريتي

لو اجتمعت انا وحسني مبارك في غرفة واحدة؟

اول نص ساعة هفضل اضحك
تاني نص ساعه هشرب في كوباية الميه و اتمالك اعصابي و بعدين هسئله ثلث اسئله
الاول: حضرتك ضميرك مستريح و بتنام كويس؟

و التاني: حضرتك بتستكنيس و انت بتشوف شوارع مصر و اهل مصر و الاخبار؟

و الثالث هيبقى طويل شوية: هقوله ايه احساسك لو بقيت مواطن عادي و ايه هتبقى اقل طلبتك و ايه معرفتك عن الحرية المسلوبة في مصر اللي الواحد ما شفهاش بس بيسمع عنها؟

لو معاك مليون ونص جنيه......تعمل بيهم ايه؟

الصراحه مش كفاية في مصر هعمل بيهم مشروع ازودهمو و اللي يجي

هجيب عربيه جديده لبابا علشان بجد عمر ما استبخل علينا حاجه و طول عمره بيحرم نفسه علشان يدينا

و بعدين هجيب فيلا اتجوز فيها و بجد الباقي هعمل بيه مشروع لناس اللي مش لاقين و الشباب اللي بتحب و عايزة تتجوز يساعدهم او اللي عايزين مكان يسكنه فيه

بتحب مصر؟
اه
جدا

بجد ناسها طيبين جدا مظلومين و مقهورين بس راضين و عيشين و بحب ارضها و جمالها و طبيعتها الجذابه و خصوصا و انا مسافر فيها ببقي غاية الاستمتاع برؤيتها

بتحب البنات؟

اه طبعا

علشان هي ديه سنة الحياه و بحب البنات الفايقه الهاديه جدا

انت مسلم ؟

اه الحمد الله
ليه؟

لاني بستريح لما بقراء القراّن و اشوف معجزاته و بنام ليلي كويس لما بصلي فروضي

ايه اكتر موقف محرج اتعرضت ليه في حياتك؟واتصرفت ازاي؟

موقف واحد

هههههههههههههههههههههههههههه

اولا عندي مشكلة مع سست البطلونات

ثانيا امبارح و خطاب اخواتي البنات وعائلتهم موجودين وقعت من غير قصدي اطباق انكسرت كلها و الكل اتريق اما عني فمسكت الخداديات اللي علي الكنبة وحطيتها علي وشي

ايه الأمنية اللي بتدعي ربنا دايما انه يحققها لك؟

يرزقني حياه كريمه و زوجة صالحه و رضاه قبل اي حاجه و رضا امي و ابي و حب اخواتي و صدقي و اخير الشهاده
و يوسع رزق بابا و يريحه و يريح ماما و يصلحهم لبعض

تمرر التاج دة لمين؟
مش عارف مين وصلوا التاج ده قبل كده ... بس احب امرره
عازف الناى
صاحب البوابــة
huda gamal
Dina Samaha
saloma
ibn nasser -ابن ناصر
وكل اللي يعرف يردعليه