الثلاثاء، ٢٤ يونيو ٢٠٠٨

طريق البحث عن حب


طالت ايامه واقترب ربيع عمره . لقد اصبح شابا له احلام مليء بالحيويه . قادر علي تحقيق احلامه . لم يأذي ابدا شيء في حياته ده حتي عمره ما قتل نموسه. مرت ايام شبابه و ازدات صداقته . لم يعرف ابدا معنى الحب في حياته كدبه واسعه بين ولد و فتاه و لكن رواية اصدقائه عن البنات و كم هن فاتنات رقيقات واسعه جدااا جعلت قلبه يخفق و يرغب في التجريب . شعر بالحاجه الماسه الي هذا الشيء . اضاع كل احلامه بل اضاع ذاته فاصبح في امس الحاجه الي ان يجدها . فهو بدونها لا شيء. لطخ جدران حائطته بالالوان رسم وجهها في كل مكان .
حتي ان السقف لم يخلوا من صوره كبير لوجهها ده كان ابوه موته كان يسرح فيه و كانه يسرح في نجوم السماء . رسم كل تفاصيل توجد به .
ضاق ذراعا فلم يستطيع الجلوس امام صورتها اكثر من ذلك .اخذ قميصه القطني الابيض اللي مش مرقع و لم يكمل اغلاق ازرته قام بسحب البلطو الاسود و فتح باب غرفته مهرولا خارج منزله تاركا ورأه الكثير من التساؤلات . حتي انه لم يلتفت لاغلاق بابه الذي اعتاد ان يتاكد من اغلاقه يعني ما رزعهوش . يراه الناس يجري باتجاه البحيره لم يعرفوا ما اصابه . فما اعظم ما اصابه يا عيني الواد بيحب. جرى في طريقه بين الادغال و عكس اتجاه الرياح . كان يسقط بسبب قشر الموز من شدة الريح و لم يستطيع المضي جريا ظل يصارع ضد الريح ليصل الي حيث - يوجد قلبها حيث يوجد عقلها حيث يمكنه ان يحدثها - يحدث احد يشعر به و يفهمه و لكنه في طريقه سقط و انقطعت تلك الافكار عن ذهنه معلش اصل الكهربه قطعت عنده. ف الريح تحمله الي حيث جاء. افاق و عاود التفكير بها هيه النور جيه. تشبث بغصن احد الاشجار و اكمل طريقه بالتشبث باغصان الاشجار .اقترب من البحيره حيث يوجد كوخا صغير اعتاد ان يراقبها و هي تجلس بالقرب منه تلقي الاحجار الي البحيره تسرح فيه مش في الواد طبعا . كان يعتقد انه تتامله .توقف بالقرب من الكوخ حتي لا يصدر اصوات و يلفت انتباهها . ظل يفكر في اشيء حتى هو يجهل فيما كان يفكر فهو لا يتذكر اي شيء سوى كلمة حب يحاول التذكر و لكنه لا يستطيع التذكر فهو لا يعرف ما اصابه جنون الحب . انقطعت اصوات كل شيء بالرغم من قوة الريح من حوله التي تكاد تخلع الاشجار من جذورها لا يسمع سوى صوت دقات قلب وضع يده علي قلبه يتحسس دقاته انها سريعه غير منتظمه دقاته متوتره في حين ان الدقات التي يسمعها منتظمه و تدخل له الشعور بالراحه . اغمض عينيه لوهله فسوه يعني من الزمن لم يرى سوى ضباب يكاد يرى وجهها من خلاله و اشتم رائحة لا ما تقرفوش كده ده عطرها الذي يحمله الريح لينشر الطيب في كل مكان فتح عيناه ليلمحها تجلس الي البحيره و كانها تنتظر شيئا ما. اقترب اليها بدأ رفع يده في هدوء و ببطء حتي لا يفزعها و ظلت يده تقترب منها و كانها تطير -فلا جاذبيه في وجود جاذبيتها- و فجأة شعر بوغزه شديده في قلبه ومع ذلك ارتسمت السعاده عليه ما عندهوش دم. فشعرها المتطاير داعب انامل اطرافه. و استطاع لاول مره ان يشعر بدفئ خصلاتها و نعومته التي تكاد ان تتفوق علي الحرير . ثم..... ضوء ابيض يكاد ان يفقده بصره ضاعت الغيوم من حوله اغمض عينه و فتحها ليجد وجهها المضيء . حاول تفادى النظر الي عينيها كثيرا و لكن الصمت اجبره ان ينظر اليها رفع وجهه بكل وقار و احترام و كلما ارتفع رائ فمها و هي تبتسم ثم ارتفع برأسه بهدوء ليري انفها و يسمع صوت انفاسها التي تجعل الطيور المغرده تغار من نعومته ثم يرتفع مغلقا عيناه.
ليفتحها و يصاب بسهم كتب عليه اسمها ليصيب قلبه حينها توقف قلبه عن العمل و توقف رأسه عن التفكير في اي شيء سواها و اسقط في هذه اللحظه اصعب الاحمال التي حملها طوال حياته كما اعتقد. لقد نطقها انا بحبك انتي حياتي و روحي مش هلاقيكي تاني انتي عقلي انتي.... كانت قد اشحت بوجهها قليلا لتنظر الي النهر فالتفت مسرعه في انتباه ووضعت يدها علي فمه الذي كان يرتعش اثر الاحمال الثقيله التي حملها للحظات. كانت يداها ايضا ترتعشان و جسدها يرتعش اسقطت الدمعات من عينيها مسح لها دموعها احتضنها بين احضانه وضعت رأسها علي كتفيه وضع راسه علي رأسها و كانه يحتضنها ربط بيده علي يدها.........>

to be continue

هناك ٦ تعليقات:

YASPOWER يقول...

Great blog produced with nice pictures.

For more links on technology, pls refer to www.yasthirah.com

For more info on soccer, pls visit http://www.aptconnections.blogspot.com/

maha zein يقول...

ماشى يا عم اللهو عفونا عنك
بس انا مستغربة يا لهو انت ليه شكلك بتزهق بسرعة
حساك علطول زهقان من الحياه والدنيا والناس
كل اللي شاغل بالك بجد ودون ما تزعل منى انك تعيش قصة حب
لانك واهم نفسك انك بالحب بس ممكن تجد سعادة في حياتك
عشان كده تلاقيك طهقان وارفان علطول
ومهاجر مدونتك أو حتى مهاجر يعنى الناس اللى حواليك
عموما انا امبارح بعد ما نشرت بوست حاجة غريبة دخلت عندك
لقيتك مش منزل حاجة جديدة ولا حتى رادد علي تعليقاتنا
خرجت ودخلت مدونتي انا تاني لقيت تعليق واحد بشوف من مين لقيته منك انت
قلت غريبة والله
مع ان الجدع ده مش هو اللى فاتحلي الباب لما رنيت علي مدونته ده اصلا هو كان سايب الباب مفتوح علي غير عادته
مرزعهوش يعنى
انت بكده اسمحلى وبصراحة وخلينى صريحة معاك
انت كده ممكن تزهق الناس الللي تعرفك
بص
لو عيشت علطول كده ارفان وزهقان
هتنقل الاحساس ده لغيرك
يعنى لو انت حسيت نفسك كئيب مثلا
هتوصل الاحساس ده لغيرك وصدقنى الناس مش بتحب الكئابة خالص
يعنة اقل حاجة الناس تعملها انها تبعد عن الشخص الكءيب ده وتتجنبه عشان الناس مش نقصة كئابة
وبتمني انك تكون غير كده يعني غير ما انا حسة
يا ريت تكون شخص فريش ومنعتنش واللى بتعمله علينا فى المدونة ده وغيابك يكون تقل وكده
***************************
بخصوصو البوست الجديد
انا مكنتش فهمة يعني التعليق اللي بتكتبه بالاحمر الصغير ده
كنت فكراه يعني حاجة تبع القصة
بس انا فهمته بعد كام سطر
وكان بيضحكني
اللى هو ابقه جوه القصة وبعدين تخرجني انت علطول بكلمتين دمهم خفيف
قال برهة يعنى فسوة يا راجل انت
ماشي يا لهو
حلوة الفكرة اوي
بس البوست الجاي الى هو تكملة للبوست ده عوزاك تمسك ادواتك شوية في ايدك
يعنى ركز شوية وحاول تقتضب وتركز الفكرة
بس بجد عودا حميدا
واحييك
علي فكرتك الجديدة

بعغدين بقه حلو النيو لوك بتاع المدونة
انا اصلا اول ما دخلت قلت اني غلطت في العنوان
بس صدقني احسن من اللى فات
بس
يا ريت يا كابتن لهو انك تكبر الكلام لانه صغير جدا جدا
تكبره علي اد ما تقدر
لان الناس ممكن تزهق من الخط الصغير وتعدي كلام وبالتالي الفكرة مش هتكتمل

اللهو الخفى يقول...

هههههههههه
انا مش بدور علي حب ثانيا سعدتي في خروجي مش في المدونه اللي مخليني فاتح المدونه اني اشوف ناس بعزهم و عشان لو حسيت بزهق ادخل اقراء. بقرأ حجات احيانا بسيب كومينت و كتيررررر لاءمثلا لو قفلت البلوج هتبقى فين مها مش موجوده ثانيا ان مش ضليع في اللغه انا بهرتل و بهيس و كتير بكتب عن البؤس و ببقى اصلا فرحان
اما عن مشوار البحث عن حب فمش انا و لا هيحصل ابدا لانه كلام تافه و مالهوش اي معنى غير كدبه بنكدبها علي نفسينا و الحب بيوقف حال الدنيا او بيزود الهم و المسؤليات دي بلاوي و احنا كانجيستار يا زمايلي
و شكرا للمرور يا دوك مها

kahramana يقول...

مستعجل على ايه بس؟

بكرة تدخل باب الحب و خلى بالك ان خروجه مش زى دخوله
البوست مؤثر جدا

و لو انت فعلا بتدور على الحب بالطريقة
اقوللك صعبت عليا

kahramana يقول...

نسيت اعلق على اللوك بتاع البلوج وانا اول مرة اجى هنا

حلو اوى اوى
جامد يعنى

اللهو الخفى يقول...

يمكن يكون اللام كلام مجروح خرج من باب الحب ديه بداية قصه مش نهايتها لسه لها زروه و لس لها نهايه يمكن تكره الناس في الحب وممكن لاء عموما انا مش مقصود في الجزء ده لاني بجد مش ببحث عنه و لا ناوي انقب عنه خالص
وشكرا للمرو