البرد و الكحه و الادوية هما المعنى الاول للشتاء و القعده في البيت و النوم و الكلفته ومن وجهة نظري هو ده وجه البرد المأسوي بس ليه ما نقلبش العمله و نبص علي البرد من وجهه تانية للنظر فالبرد زي ما له الوجه المأسوي برده له وجهه السعاده و الفرفشه فمثلا اكل العسل مالهوش طعم غير في الشتاء وحمص الشام بالليمون و الشطه الملهلبه و لا اكل البطاطا و هي مولعه و في الصيف متلاقيش مطره و لا ريحة دنيا مطينه و متبقاش طايق هدوم و لا نفسك من العرق و تدعي و تقول يا رب عجل للشتاء في الشتاء تجري و ماتحسش بالتعب و لما تيجي تنام ما تتقرفش من الوجع و لا حتى من العطشفي الصيف ما تحبش حد يحضنك بس الشتاء تتمنى لو ان حد يحضنك و يقبلك ما تلقيش اجمل من حضن الشتاء و لا المشي و الدنيا لسه ممطره ما تشمش اجمل ريحه للطين غير في الشتا و المطر اجمل شيء في الشتاء شعور بالحريه
في ايام المطر و البرد ما يقدرش الانسان يحس بالدفئ غير لما يكون بين ايد حبيب و ما يحسش بمتعة البرد غير لما يدقق في عيون حبييه
ما فيش اجمل من ليل كله شبوره لما تفتح شباك البيت و تلاقي هالات حوليا الانوار عملها الشبوره و لا لما ترفع راسك للسما و تلاقي القمر منور و حوليه حاله
ولا مياة المطر علي الارض بتعكس الانوار و كأن الواحد في حفله و لا نسمة هواء سقعه تدغدغ الواحد و تخليه يضحك و هو بيتكتك
ولا تشجيع المنتخب في كاس افريقيا و الواحد بياكل شيبسي و ايس كريم و الجو سقعه بس اللمه و التشجيع مدفي الواحد
و لا لما يجي الواحد ينام و يقعد يتلف في ميت بطنيه و ينام و هو حاسس بالدفى و ميبقاش عايز يصحه
وما فيش اجمل من التمشيه في الجو ده مع الاصحاب نرغي و ناكل لب و نشرب بيبسي و نشم هوا ما فيش انضف منه
ومتلقيش جمال زي خروج بخار الميه من البوق و الواحد بيتكلم او بيتنفس تحس بدفى الهوا اللي خارج
و ما تلقيش اجمل من العوم في الجو الساقع في ميه ساقعه و تخرج جسمك دااااااافي
يا سلام علي شمس و المطر و الجو الساقع الوحد بيبقى مبسوط انبساط ما تقدرش عليه فلوس
ده لسه لمة العيله مع بعضيها و التمشية و المطرة بتمطر و الواحد عمال يتنطط
ولا الخروج بيخت او حتى مركب بيتاجر و في وسط المطره تتفسح بالمركب
و يا بخت اللي بيتجوزه و المطره بتمطرعليهم و يابخت اللي بيناموا و واخدين حبيهم بين ايديهم
